Description

An Ghiobóg

An Fear: Ná bí ag caoineadh gan a dhath, a bheainín Ná bí ag caoineadh gan a dhath

Bliain mhór sa taca seo ba dheas mo chulaith éadaigh                                                                                                                                                                                          Ba lúfar éadrom aigeantach a dhéanfainn bean a bhréagadh                                                                                                                                                                         Ach shantaigh mise an ghiobóg mar bhí cupla bó mar spré ‘ci                                                                                                                                                                         Is d’fhág sí ar an anás mé ‘s mo chraiceann geal gan léine.

An Fear: Ó! Mo chraiceann geal gan léine Ó! Mo chraiceann geal gan léin’

An Bhean:

Má bhí culaith mhaith an uair sin ort, b’fhéidir nár leat féin í;                                                                                                                                                                          Ní raibh tú pósta seachtain go raibh fear na comharsa ‘ hiarraidh;                                                                                                                                                            Dhíol tú mo chuid ealaigh, le sin agus tuilleadh réiteach                                                                                                                                                                                    Is d’fhág tú ar an anás mé ‘s gan snáithe orm san oíche.

An Bhean: Óró dhíol tú mo chuid ba, a ghadaí Óró dhíol tú mo chuid ba

An Fear (ag caint):

Ní fhaca mé léine ghlan orm ariamh le linn mo phósta;                                                                                                                                                                                    Tá mo bhróga iontach cáidheach dhul chun Aifreann Dé Domhnaigh;                                                                                                                                                              Is nuair a chasann scaifte cailín orm ‘na seasamh ar an bhóthar –                                                                                                                                                               “Seo chugainn Worzel Gummidge!” agus caitheann siad clocha móra!

An Fear: Worzel Gummidge – is eisean Rastaman Worzel Gummidge Rastaman

A bhuachaillí, a bhuachaillí, an méid atá gan phósadh,                                                                                                                                                                                    Ná santaigí na giobógaí de réir mar bhíonn siad cóirithe                                                                                                                                                                                      Nó b’fhearr díbh cailín glan agaibh a scuabfadh amach i gcónaí                                                                                                                                                                        Ná luaith bhuí na seachtaine dá cur amach Dé Domhnaigh.

An Fear: Luaith bhuí dá cur amach Dé Domnaigh! Luaith bhuí dá cur amach

An Bhean (ag caint):

Nuair a théann tú amach ar maidin – in ainm a bheith ag obair –                                                                                                                                                                      ‘S é an áit a dtéann tú nó sa tábhairne síos an bóthar.                                                                                                                                                                                        Ar philleadh asíst ‘na bhaile duit ar theacht an tráthnóna                                                                                                                                                                            Bíonn do bhríste gioblach stróicthe is tú comhair a bheith caoch-ólta.

An Bhean: Bhí tú ólta oíche aréir, caoch-ólta Bhí tú ólta oíche aréir

An Bhean:

A chailíní, a chailíní, an méid atá gan phósadh,                                                                                                                                                                                                      Ná santaigí an sramaide mar gheall ar theach nó ar spleota                                                                                                                                                                             B’fhearr liom buachaill fearúil ‘bheadh chun Aifrinn liom Dé Domhnaigh,                                                                                                                                                      Nó an leithéid sin de shramaide a bíos ag ól i gcónaí.

An Bhean: Is tú an sramaide gan dóigh Is tú an sramaide gan dóigh

An Fear:

Bliain mhór sa taca seo ba dheas mo chulaith éadaigh                                                                                                                                                                                      Ba lúfar éadrom aigeantach a dhéanfainn bean a bhréagadh                                                                                                                                                                                 Ach shantaigh mise an ghiobóg mar bhí cupla bó mar spré ‘ci                                                                                                                                                                          Is d’fhág sí ar an anás mé ‘s mo chraiceann geal gan léine.

An Fear: Ó a bheainín! Ná bí ag caoineadh

Ná bí ag caoineadh gan a dhath…

 

Is Fada Liom Uaim Í

 

Is fada liom uaim í ar uaigneas ‘ach baile ‘ mbíonn sí

Is le gach ógánach suairc a ghluaisfeadh in aice na dí.

Dá dtigfeá-sa ‘nuas ar cuairt fa bharr’ na gcraobh

Le goirm na gcuach go ngluaisfinn leat-sa mar mhnaoi.

 

‘S ach a Mhalaidh a chéad-searc, ná tréig thusa mé go bráthach

‘S go bhfuil mé indo dhiaidh achan lá fa mhullaigh na n-árd.

‘S tú cruithneacht ar mhnáibh Éireann, is tú b’fhéile d’ar ghlac ariamh lámh

‘S dar mhionna mo bhéil ní bréag a bhfuil mé is tú a rá.

 

curfá:

A ghrá is a rúin, dá ngluaisfeá liom

Go tír dheas na meala thar toinn

Tá an long faoi sheol in imeall a’ cheo

Is téimid thar sáile anonn.

 

 

‘S ag ‘a Mhalaidh mo róghrá, tá an t-ór-fholt snoite go féar,

Cum cailce ‘tá ró-dheas a chuirfeadh bród ar fhearaibh a’ tsaoil

Béilín meala mar na rósaí, súl mhómhar’ ghorm gan claon

‘S i gcoillidh ‘buain chnódhnn ‘sé mo bhrón gan Mallaidh ‘gus mé.

Curfá:

A ghrá is a rúin, dá ngluaisfeá liom

Go tír dheas na meala thar toinn

Tá an long faoi sheol in imeall a’ cheo

Is téimid thar sáile anonn.

An Fhalaingín Mhuimhneach

Dá mb’ agam an fhalaing ní thabharfainn don Mhuimhneach í                                                                                                                                            Ach thabharfainn don scafaire ‘chóireochadh broth mín uirthi.

Falaing ar fhalaing, ‘sí an fhalaingín Mhuimhneach í                                                                                                                                                    Falaing ar fhalaing, ‘sí an fhalaingín Mhuimhneach í

Fógraim an fhalaing, is íomóg ‘ta daor uirthi                                                                                                                                                                         Tá dubh agus dearg, glas-uaine ‘gus buí inti.   

                                                                                                                                                                                                                                           Falaing ar fhalaing, ‘sí an fhalaingín Mhuimhneach í                                                                                                                                                               Falaing ar fhalaing, ‘sí an fhalaingín Mhuimhneach í

Dá mb’agam an fhalaing ní thabharfainn don phíobaire í                                                                                                                                                          Is túisce do chraithfinn mar easair fém chaoirigh í 

                                                                                                                                                                                                                                          Falaing ar fhalaing, ‘sí an fhalaingín Mhuimhneach í                                                                                                                                                    Falaing ar fhalaing, ‘sí an fhalaingín Mhuimhneach í

Croí cráite ar an fhalaingín cé gur beag suarach í                                                                                                                                                                   Is tapaidh do leagfadh sí fear spúir agus buataisí                                                                                                                                                              Falaing ar fhalaing, ‘sí an fhalaingín Mhuimhneach í                                                                                                                                                             Falaing ar fhalaing, ‘sí an fhalaingín Mhuimhneach í

Falaing ar fhalaing, ‘sí an fhalaingín Mhuimhneach í                                                                                                                                                        Falaing chrua chasta ‘s nár chasaidh sí choích’ orainn.                                                                                                                                                              Falaing ar fhalaing, ‘sí an fhalaingín Mhuimhneach í                                                                                                                                                      Falaing chrua chasta ‘s nár chasaidh sí choích’ orainn.